Es Leben leben

Es Leben sollersd leben,

wenns dein Leben bassd,

wal wennsd warden dusd,

bis es dir bassd,

waßd ned

obs Leben no do is.

So gänga die Gäng

40 Johr brauchd mer

bis mer a weng öldränkd

und wasserdichd werd.

20Johr perln dann

die Tropfen besser

oder schlechter oh.

Den Rest, der bleibd

nimmd mer dann,

um die bleede oelkrustn

widder wegzuschrubben.

Für Willy Michl

Wenn die Neonlichter am Rathenauplatz

wie a grossa Sunna aufgehn,

fühl i mi sicher.

Wenn die Neons des brenna ofanga

und ihr Flackern den Dooch vertreibd,

dann kummd die Zeid,

wo der Blues

an jedn liebd,

werkle an jedn.